कॉपर केबल चोरी करणारे इसम स्थानिकगुन्हे शाखेचे ताब्यात! एकुण 1,57,850/- रुपये किमतीचा मुद्देमाल जप्त..!!
नंदुरबार-:(प्रतिनिधी )
तालुका पोलीस ठाणे हद्दीतील शनिमांडळ गाव शिवारातील सुझलॉन कंपनीचे टॉवर मधुन काही अज्ञात चोरटयांनी कॉपर केबल चोरुन नेले या बाबत रहिवासी खंडू वना पाटील यांचे फिर्यादी वरुन नंदुरबार तालुका पोलीस ठाण्यात गु.र.नं. 268/2024 भा.न्या.सं.चे कलम 303 (2) प्रमाणे गुन्हा दाखल करण्यात आला होता, त्याअनुषंगाने स्थानिक गुन्हे शाखेकडून तपास सुरू असतांना स्था.गु.शा. पोलीस निरीक्षक किरणकुमार खेडकर यांना बातमी मिळाली की, सदरची चोरी ही नंदुरबार तालुका पोलीस ठाणे हद्दीतील चाकळे गावातील इसम किशोर मालचे याने त्याचे साथीदारांसह मिळून केली असुन तो सध्या नंदुरबार शहरातील जिजामाता कॉलेज परिसरात फिरत आहे, अशी खात्रीशीर माहिती मिळाल्यावरुन पोलीस अधीक्षक श्रवण दत्त.एस यांचे मार्गदर्शनाखाली स्था.गु.शा. पोलीस निरीक्षक किरणकुमार खेडकर यांनी लागलीच एक पथक तयार करुन मिळालेल्या बातमीच्या ठिकाणी रवाना केले.
स्थानिक गुन्हे शाखेचे पथकाने मिळालेले बातमीचे अनुषंगाने शहरातील जिजामाता कॉलेज परिसरात जावून खात्री केली असता, बातमीप्रमाणे इसम मिळुन आल्याने त्यास ताब्यात घेऊन त्याचे नाव गाव विचारता त्याने त्याचे नाव किशोर सुपडू मालचे, रा. चाकळे ता.जि. नंदुरबार असे सांगितले.
सदर इसमास वरील दाखल गुन्हयाबाबत विचारपुस करता तो उडवाउडवीची उत्तरे देऊ लागला म्हणुन त्यास विश्वासात घेऊन विचारपुस केली असता त्याने सदरची चोरी त्याचा साथीदार गणेश शत्रु सोनवणे, दिलीप प्रताप सोनवणे, सतिश संतोष मोरे, शाम नाना मालचे, राम नाना मालचे, रमा सुपडू, विनोद सुपडू, देवा (पुर्ण नाव माहित नाही), सर्व राहणार चाकळे ता.जि. नंदुरबार यांचे मदतीने केली असले बाबत सविस्तर माहिती दिली.
त्यास गुन्हयातील चोरी गेलेल्या माला बाबत विचारता सदरचा चोरी केलेला मुद्देमाल हा नंदुरबार शहरातील जम-जम हॉस्पीटलचे मागे राहणा-या शाकीर युसूफ काकर, या भंगार व्यापा-यास विक्री केल्याचे त्याने सांगितले. त्याअनुषंगाने स्थानिक गुन्हे शाखेचे पथकाने भंगार व्यापाऱ्याचा शोध घेतला असता तो मिळून आल्याने त्यास नमुद गुन्हयातील मुद्देमालाबाबत विचारता त्याने सदरचा माल हा सुमित नरेंद्र जैन, रा. शिवाजी रोड, नंदुरबार यास विक्री केले असल्याचे सांगितले.
त्यानुसार लागलीच स्थानिक गुन्हे पथकाने सुमित जैन यास देखील ताब्यात घेऊन चोरीचा मुद्देमाल बाबत विचारणा केली असता त्याने सदरचा मुद्देमाल हा त्याचे पातोंडा शिवारातील गॅस गोडावूनचे पाठीमागील बाजुस ठेवले असल्याचे सांगितले.
सदर ठिकाणाहून एकुण 1,57,850/- रुपये किमतीची सुझलॉन टॉवरमध्ये वापरण्यात येणारी कॉपर केबल मुद्देमाल मिळून आला आहे.
ही कामगिरी नंदुरबार पोलीस अधीक्षक श्रवण दत्त. एस. अपर पोलीस अधीक्षक आशित कांबळे, यांचे मार्गदर्शनाखाली स्थानिक गुन्हे शाखा पोलीस निरीक्षक किरणकुमार खेडकर, पोउपनि मुकेश पवार, राकेश मोरे, रमेश साळुंखे, मोहन ढमढेरे,विजय ढीवरे, अभय राजपूत, आनंदा मराठे यांनी केली आहे.
प्रविण चव्हाण परिवर्तन 24 न्युज नंदुरबार
