तळोदा
तालुक्यातील तळोदा धडगाव रस्ता कोठार आश्रम शाळेजवळ वाहनाची तपासणी करीत असतांना गोवा बनावटीचे विदेशी मद्य सहा चाकी वाहनातून अवैधरित्या वाहतूक करतांना मिळून आल्याने वाहनासह 53,84,800 रु. किंमतीचा मुद्देमाल जप्त करण्यात आला.
सविस्तर माहिती अशी की,दिनांक 16/10/2024 रोजी राज्य उत्पादन शुक्लचे आयुक्त डॉ विजय सूर्यवंशी,नाशिक विभागांचे विभागीय उपायुक्त यु आर वर्मा मॅडम,नंदुरबार राज्य उत्पादन शुल्कच्या अधीक्षक स्नेहा सराफ मॅडम यांच्या मार्गदर्शनाखाली मिळालेल्या बातमीनुसार तळोदा धडगाव रस्ता कोठार शिवार कोठार आश्रम शाळेजवळ ता तळोदा जि नंदुरबार येथे वाहनांची तपासणी करत असतांना भारतबेंज 1214R कंपनीचा सहा चाकी वाहन क्रमांक MH 13 CU 1701 हे वाहन तपासणी केले असता त्यात गोवा राज्य बनावटीचे रॉयल ब्ल्यू व्हिस्की 180 मिलीचे एकुण 851 खोके व वाहनासह एकुण 53,84,800/- रु. किंमतीचा मुद्देमाल जप्त करण्यात आला आहे.
सदर कारवाई महाराष्ट्र दारुबंदी कायदा 1949 अंतर्गत कलम नुसार गुन्हा दाखल करण्यात आला आहे.
सदरची कार्यवाही नंदुरबार विभागाचे राज्य उत्पादन शुल्क निरीक्षक बी व्ही हिप्परगेकर,बीट क्र. 3 चे दुय्यम निरीक्षक पी व्ही मोरे,बीट क्र. 2 चे दुय्यम निरीक्षक ए एस गायकवाड,खेडदिगर सिमा तपासणी नाका दुय्यम निरीक्षक एच पी घरटे,सहाय्यक दुय्यम निरीक्षक आर एल राजपूत,जवान संदिप वाघ,हितेश जेठे,धनराज पाटील,अजय रायते यांनी कारवाई बजावली.
सदर गुन्ह्याचा पुढील तपास बीट क्र. 3 चे दुय्यम निरीक्षक पी व्ही मोरे करीत आहेत.
प्रतिनिधी – रसिक गावित
